Metrologiya va standartlashtirish sohasida yangi rag‘batlantirish tizimi joriy etilmoqda: kasb bayramlari va mukofotlar tizimi takomillashtiriladi
2026-04-07 09:00:00 / Yangiliklar
O‘zbekiston Respublikasida metrologiya va standartlashtirish yo‘nalishida faoliyat yuritayotgan mutaxassislarning kasbiy salohiyatini oshirish, ularning fidokorona mehnatini munosib rag‘batlantirish hamda mahsulotlar sifati va raqobatbardoshligini ta’minlashga qaratilgan tizimli chora-tadbirlar amalga oshirilmoqda.
✅Qabul qilingan qarorga muvofiq, O‘zbekiston texnik jihatdan tartibga solish agentligi hamda O‘zbekiston Savdo-sanoat palatasi bilan hamkorlikda soha xodimlarini qo‘llab-quvvatlash va rag‘batlantirish mexanizmlari joriy etiladi.
✅ Muhim sanalar va mukofotlar:
🔴 20-may – Butunjahon metrologiya kuni munosabati bilan “Eng yaxshi metrolog” tanlovi o‘tkazilib, g‘oliblar taqdirlanadi
🟢 14-oktabr – Butunjahon standartlar kuni munosabati bilan “Yil standartchisi” mukofoti topshiriladi
🩷 Noyabr oyi – Butunjahon sifat kuni doirasida sifat sohasida yuqori natijalarga erishgan mutaxassis va korxonalar alohida e’tirof etiladi
✅ Mazkur tadbirlar orqali ilg‘or tajribalarni keng ommalashtirish, soha mutaxassislarining malakasini oshirish hamda innovatsion yondashuvlarni joriy etish ko‘zda tutilgan.
✅ Shuningdek, ushbu tashabbuslar ishlab chiqarish jarayonlarida sifatni yanada yaxshilash, eksport salohiyatini oshirish va milliy mahsulotlarning xalqaro bozordagi raqobatbardoshligini mustahkamlashga xizmat qiladi.