Koreyaning KOTITI instituti bilan hamkorlik masalalari muhokama qilindi
2026-03-16 11:15:00 / Yangiliklar
Oʻzbekiston texnik jihatdan tartibga solish agentligi vakillari Koreya sinov va ilmiy-tadqiqot instituti — KOTITI Testing & Research Institute bilan uchrashuv oʻtkazdi.
Uchrashuv davomida mahsulotlar sifatini yanada oshirish, toʻqimachilik va yengil sanoat sohasida ilmiy-amaliy tadqiqotlar olib borish, zamonaviy texnologik yechimlarni joriy etish hamda sohani kompleks rivojlantirish masalalari muhokama qilindi. Shuningdek, mahalliy ishlab chiqaruvchilarning tashqi bozorlarga chiqishini kengaytirish, brend kompaniyalar bilan hamkorlikni yoʻlga qoʻyish, xalqaro standartlar va sinov metodlarini oʻzlashtirish, KOTITI texnik ekspertlarini Oʻzbekistonga jalb etish bo‘yicha fikr almashildi.
Uchrashuvda eksport faoliyatini amalga oshirayotgan 5 ta toʻqimachilik korxonasi mahsulotlarining sinov natijalari ham muhokama qilinib, ularning sifat ko‘rsatkichlari yuzasidan mutaxassislar o‘rtasida fikr almashildi.
Tomonlar agentlik hamda toʻqimachilik va yengil sanoat korxonalari mutaxassislari uchun seminar-treninglar, davra suhbatlari va tajriba almashuv tadbirlarini tashkil etishga kelishib oldilar.
Ma’lumot uchun: KOTITI Testing & Research Institute 1961-yilda tashkil etilgan bo‘lib, toʻqimachilik mahsulotlarini sinovdan o‘tkazish, sifat nazorati, atrof-muhit gigiyenasi, sanoat materiallari hamda toʻqimachilik sohasida ilmiy-tadqiqot ishlarini amalga oshiruvchi nufuzli xalqaro tashkilot hisoblanadi.