Vazirlar Mahkamasi huzuridagi O'zbekiston texnik jihatdan tartibga solish agentligi

✅ O‘zbekiston texnik jihatdan tartibga solish agentligida Fransiyaning xalqaro “Bureau Veritas” kompaniyasining O‘zbekistondagi vakolatxonasi vakillari bilan uchrashuv o‘tkazildi.

✅ Suhbat davomida Agentlik tomonidan so‘nggi yillarda amalga oshirilayotgan tizimli islohotlar, texnik jihatdan tartibga solish, standartlashtirish, muvofiqlikni baholash hamda sifat infratuzilmasini rivojlantirish sohalaridagi hamkorlik istiqbollari muhokama qilindi. Shuningdek, mamlakatimizda sifat infratuzilmasini mustahkamlash orqali eksport salohiyatini oshirish va mahsulotlarning tashqi bozorlarga chiqishini yengillashtirish masalalariga alohida e’tibor qaratildi.

✅ Laboratoriya sinovlari sohasida o‘zaro tajriba almashish, zamonaviy sinov usullarini joriy etish, mutaxassislar malakasini oshirish bo‘yicha qo‘shma o‘quv dasturlarini tashkil etish hamda xalqaro standartlar va menejment tizimlarini amaliyotga tatbiq etish yuzasidan hamkorlik imkoniyatlari ko‘rib chiqildi.

✅ “Bureau Veritas” vakillari sohani xalqaro andozalarga moslashtirish, xalqaro standartlardan keng foydalanish muhitini yaratish hamda muvofiqlikni baholash jarayonlariga zamonaviy uslublarni joriy etish bo‘yicha o‘z fikr va mulohazalarini bildirdi.

✅ Tomonlar mazkur uchrashuv o‘zaro manfaatli hamkorlikni yanada rivojlantirish, xalqaro tajribani keng joriy etish va sifat infratuzilmasini takomillashtirish yo‘lida muhim qadam bo‘lishini ta’kidladilar.