Sanoat korxonalari faoliyati o‘rganildi va amaliy yordam ko‘rsatildi
2026-02-25 11:05:00 / Yangiliklar
✅ Texnik tartibga solish agentligi direktori o‘rinbosari O. Tohirov Surxondaryo viloyatida joylashgan sanoat korxonalari faoliyati bilan tanishdi hamda ularning rahbar va mas’ul vakillari bilan uchrashuv o‘tkazdi.
✅ Tadbir doirasida “HUAZI INVESTMENT” hamda “ODILXOL” korxonalarida ishlab chiqarish jarayonlari bevosita ko‘zdan kechirilib, mahsulotlar sifati va amaldagi talablarga muvofiqligi o‘rganildi.
✅ Muloqot jarayonida korxona vakillariga xalqaro standartlar talablarini joriy etish, mahsulotlar raqobatbardoshligini oshirish, shuningdek, texnik jihatdan tartibga solish sohasidagi so‘nggi yangiliklar yuzasidan amaliy tushuntirishlar berildi.
✅ Shuningdek, Prezidentimiz tomonidan 2026 yil 16 fevralda qabul qilingan PF–25-son Farmonning mazmun-mohiyati hamda uning ijrosi doirasida amalga oshirilayotgan islohotlar tadbirkorlik subyektlariga atroflicha tushuntirildi. Xususan, korxonalarni qo‘llab-quvvatlash, ularning xalqaro bozorlarga chiqish imkoniyatlarini kengaytirish, sifat infratuzilmasi talablariga mos faoliyat yuritishini ta’minlash masalalari muhokama qilindi.
✅ Tadbir yakunida o‘zaro hamkorlikni yanada kengaytirish, sanoat korxonalariga amaliy va uslubiy ko‘mak berishni izchil davom ettirish bo‘yicha kelishuvga erishildi.