Namanganda mahsulot sifati va iste’molchilar xavfsizligini ta’minlash bo‘yicha seminar-trening
2025-12-12 12:30:00 / Yangiliklar
O‘zbekiston texnik jihatdan tartibga solish agentligi tizim tashkilotlarining Namangan filiallari hamda Iste’molchilar huquqlarini himoya qilish viloyat hududiy birlashmasi hamkorligida mahsulot sifatini nazorat qilish masalalariga bag‘ishlangan seminar-trening tashkil etildi.
Tadbir davomida mahsulot sifati, texnik reglamentlar talablari, iste’molchilar xavfsizligini ta’minlash hamda amaldagi standartlarga rioya etish bo‘yicha batafsil ma’lumotlar berildi. Mutaxassislar hamda ishtirokchilar o‘rtasida savol-javoblar o‘tkazilib, amaliy misollar orqali fikr almashildi.
Seminar so‘nggida qatnashchilar O‘zbekiston ilmiy-sinov va sifat nazorati markazi Namangan filiali laboratoriyalarida olib borilayotgan sinov jarayonlari bilan yaqindan tanishdilar.