O‘zbekiston texnik jihatdan tartibga solish agentligi hamda Toshkent Kimyo texnologiyalari instituti Yangiyer filiali masʼullari o‘rtasida uchrashuv
2025-11-26 10:45:00 / Yangiliklar
O‘zbekiston texnik jihatdan tartibga solish agentligi hamda Toshkent Kimyo texnologiyalari instituti Yangiyer filiali masʼullari o‘rtasida uchrashuv bo‘lib o‘tdi.
Uchrashuvdan ko‘zlangan maqsad, Agentlik tizim tashkiloti Sirdaryo hududiy filiallari bilan ushbu institut filiali o‘rtasida o‘zaro texnik-texnologik, o‘quv-uslubiy, ilmiy-tadqiqot, oliy va ilmiy darajali kadrlar tayyorlash, metrologik sinov ishlarini olib borish va shuningdek ikki tomon uchun manfaatli bo‘lgan boshqa faoliyat yo‘nalishlarida hamkorlikni yo‘lga qo‘yishdan iborat.
Tadbir davomida hamkorlik yuzasidan muzokaralar o‘tkazilib, ikki tomonlama munosabatlarni o‘zaro texnik-texnologik, o‘quv-uslubiy, ilmiy-tadqiqot, oliy va ilmiy darajali kadrlar tayyorlash, metrologik sinov ishlarini olib borish maqsadida ikki tomonlama hamkorlik memorandumi imzolandi.
Ta’kidlash lozim, joriy o‘quv yilida ushbu institut filialida metrologiya bo‘yicha bakalavr yo‘nalishiga talabalar qabul qilindi. Institut filialida o‘tiladigan mutaxassisliklarga standartlashtirish, metrologiya va muvofiqlikni baholash fanlari ham kiritilgan. Har ikkala tomon kelgusida ushbu yo‘nalishda ilmiy-tadqiqot ishlarini amalga oshirish yuzasidan aniq masalalar bo‘yicha kelishib olishdi.