Bugungi kunda Olimpiya va Paralimpiya sport turlariga tayyorlash markazlari Vazirlar Mahkamasining 2022-yil 30-dekabrdagi 731-son qarori asosida faoliyat olib bormoqda. Mazkur tizim ikki bosqichdan iborat bo‘lib:
 • 5–11-sinflar uchun — Olimpiya maktablari,
 • 1–2-kurslar uchun — Olimpiya va Paralimpiya kollejlari sifatida ishlamoqda.

 Natijalar:
 • Mustaqillik yillarida O‘zbekiston sportchilari qo‘lga kiritgan Olimpiya medallarining 60–70 foizi ushbu tizim bitiruvchilariga tegishli.
 • Faqatgina Parij-2024 Olimpiadasida qatnashgan sportchilar tahliliga ko‘ra:
 • Litsenziatlarning 50 foizi,
 • Medallarning 62 foizi mazkur markaz bitiruvchilari hissasiga to‘g‘ri keldi.
 • Jumladan, Parij-2024da 4 ta oltin, 2 ta kumush va 2 ta bronza medal markaz bitiruvchilari tomonidan qo‘lga kiritildi (X.Dusmatov, B.Jalolov, A.Xalakov, A.Mo‘ydinxo‘jayev, A.Jo‘rayev, S.Osipova, M.To‘raboev, G‘.Abdullaev).

Bugungi kunda markazlarda 6900 nafar yosh sportchi ta’lim olmoqda, ularning 36 foizi O‘zbekiston terma jamoalari tarkibiga jalb qilingan. Bunday ko‘rsatkich so‘nggi yillarda rekord darajada qayd etilgan.

Shu bois, ayrim salbiy holatlardan kelib chiqib butun tizim faoliyatini inkor etish noo‘rin. Asosiy vazifa tizimni keskin o‘zgartirish emas, balki uni yanada takomillashtirish, shaffoflik va samaradorlikni oshirishdir. Shu yo‘nalishda mutasaddi vazirliklar tomonidan muntazam monitoring va nazorat ishlari olib borilmoqda, aniqlangan kamchiliklar bo‘yicha tegishli choralar ko‘rilmoqda.

 Xulosa qilib aytganda, Olimpiya va Paralimpiya sport turlariga tayyorlash markazlari mamlakatimiz sport salohiyatini mustahkamlash, xalqaro maydonda Vatanimiz sha’nini munosib himoya qilishda muhim o‘rin tutmoqda.