O‘zbekiston Respublikasi Sport vazirligi

Mazkur qaror O‘zbekiston kriketi uchun muhim institutsional qadam bo‘lib, mamlakatimizning Osiyo sport hamjamiyatidagi ishtiroki va nufuzi izchil oshib borayotganini ko‘rsatadi. Ta’kidlash joiz, Osiyo Kriket Kengashining Inson resurslari va huquqiy masalalar qo‘mitasiga Saudiya Arabistoni Kriket Federatsiyasi raisi, Oliy Hazratlari shahzoda Saud bin Mish’al Al Saud rahbarlik qiladi. Qo‘mita tarkibida Saudiya Arabistoni bilan bir qatorda Singapur, Butan, Eron va O‘zbekiston vakillari ham ishtirok etadi.

O‘zbekiston Kriket Federatsiyasining ushbu nufuzli qo‘mita tarkibiga kiritilishi nafaqat milliy kriket uchun muhim e’tirof, balki mamlakatimizning xalqaro sport tashkilotlaridagi boshqaruv, huquqiy va institutsional jarayonlardagi ishtiroki kengayib borayotganining yaqqol ifodasidir.

So‘nggi yillarda O‘zbekistonda sportni rivojlantirish, yoshlar uchun yangi xalqaro imkoniyatlar yaratish hamda mamlakatimizning sport diplomatiyasidagi o‘rnini mustahkamlashga alohida e’tibor qaratilmoqda.
Ana shu imkoniyatlar va sport sohasida olib borilayotgan izchil islohotlar doirasida O‘zbekiston Kriket Federatsiyasi ham qisqa vaqt ichida xalqaro integratsiyaning muhim bosqichlarini bosib o‘tdi.

Xususan, O‘zbekiston 2022-yilda Xalqaro Kriket Kengashi — ICC a’zoligiga qabul qilindi. Keyinchalik mamlakatimiz Osiyo Kriket Kengashi — ACC safiga qo‘shildi. Bugun esa O‘zbekiston vakili ACCning muhim boshqaruv qo‘mitalaridan birida faoliyat yuritish imkoniyatiga ega bo‘lmoqda. Bu jarayon O‘zbekiston kriketi xalqaro a’zolikdan faol ishtirokka, faol ishtirokdan esa Osiyo kriketi boshqaruv tizimidagi munosib vakillikka izchil o‘tayotganini ko‘rsatadi.

O‘zbekiston Kriket Federatsiyasi oldida mamlakatda kriketni tizimli va barqaror rivojlantirish, yosh avlod uchun yangi sport imkoniyatlarini yaratish, shuningdek, O‘zbekistonning xalqaro sport tashkilotlaridagi nufuzli va konstruktiv ishtirokini yanada kengaytirish vazifalari turibdi.

Mazkur natija mamlakatimizda sport va yoshlar siyosati uchun yaratilayotgan imkoniyatlardan samarali foydalanish, O‘zbekistonning Osiyo va jahon sport maydonidagi mavqeini yanada mustahkamlash yo‘lidagi navbatdagi amaliy qadam bo‘ldi.