Toshkent shahrining ommaviy sport va seleksiyaga javobgar mas’ullari uchun o‘quv-seminar o‘tkazildi
2026-08-04 16:00:00 / Yangiliklar
Olimpiya shaharchasida Toshkent shahar sport boshqarmasi, uning tizimidagi sport maktablari direktorlari, direktorlarning ommaviy sportni rivojlantirish va seleksiya bo‘yicha o‘rinbosarlari, trener-seleksionerlar, raqamlashtirishga mas’ul xodimlar hamda buxgalterlar ishtirokida o‘quv-seminar tashkil etildi.
Seminar davomida Sport vazirligi Ijro apparati rahbari Bobur Hamrayev O‘zbekiston Respublikasi Vazirlar Mahkamasining 2026-yil 24-iyuldagi 407-son qarori asosida joriy etilayotgan yangi mexanizmlar yuzasidan taqdimot o‘tkazdi.
Taqdimotda yangi tizim asosida sport maktablari direktorlarining ommaviy sportni rivojlantirish va seleksiya bo‘yicha o‘rinbosarlari hamda trener-seleksionerlar zimmasiga yuklatilayotgan vazifalar, ularning faoliyatini baholash mezonlari va rag‘batlantirish mexanizmlari batafsil tushuntirib berildi.