Oʻgir atletika boʻyicha Osiyo chempionati oldidan tayyorgarlik jarayoni ko‘zdan kechirildi
2026-08-04 17:00:00 / Yangiliklar
Xabaringiz bor, joriy yilning 7–14-avgust kunlari Toshkent shahrida joylashgan Olimpiya shaharchasida o‘smirlar va yoshlar o‘rtasidagi og‘ir atletika bo‘yicha Osiyo chempionati bo‘lib o‘tadi.
Musobaqa oldidan Sport vaziri o‘rinbosari, O‘zbekiston og‘ir atletika federatsiyasi raisining birinchi o‘rinbosari Shaxrillo Maxmudov Osiyo og‘ir atletika federatsiyasi bosh kotibi Muhammad Al Harbi bilan birgalikda chempionat o‘tkaziladigan sport majmuasini koʻzdan kechirdi.
Tashrif davomida musobaqa zali, trenerlar va hakamlar xonalari, sportchilar hamda rasmiylar uchun yaratilgan shart-sharoitlar, shuningdek, chempionatni o‘tkazish bo‘yicha olib borilayotgan tayyorgarlik ishlari oʻrganildi.
Yakunda musobaqani xalqaro standartlar asosida yuqori saviyada tashkil etish yuzasidan mas'ullarga tegishli tavsiya va topshiriqlar berildi.