"O‘zbekiston belgisi" ko‘krak nishonlari o‘z egalariga tantanali topshirildi
2026-07-16 15:15:00 / Yangiliklar
30-iyun - Yoshlar kuni munosabati bilan yoshlar siyosatini samarali amalga oshirish, jamiyat hayotida faol ishtirok etish hamda Vatan ravnaqi yo‘lida fidokorona mehnat qilayotgan bir guruh yoshlar "O‘zbekiston belgisi" ko‘krak nishoni bilan taqdirlandi.
Yoshlar kuni doirasida Farg‘ona viloyatida sportchi yoshlar bilan o‘tkazilgan uchrashuvda O‘zbekiston Respublikasi sport vaziri Adkham Ikramov hamda Farg‘ona viloyati hokimi Xayrullo Bozorov mazkur yuksak mukofotni farg‘onalik yoshlar - Kamoliddinov Murodjon Baxromjon o‘g‘li, Xolmirzayeva Oydinoy Yusufjon qizi va Abdullahatov Muhammadyusuf Muhammademin o‘g‘liga tantanali ravishda topshirdilar.
Tadbir davomida yoshlarning mamlakat taraqqiyoti, jamiyat hayoti va davlatimiz tomonidan amalga oshirilayotgan islohotlardagi faol ishtiroki alohida e’tirof etildi.