O‘zbekiston Respublikasi Sport vazirligi

Hurmatli janob Marius Vizer,
Aziz sportchilar va murabbiylar,
Qadri mehmonlar, hakamlar va muxlislar!
O‘zbekiston Respublikasi Sport vazirligi nomidan hamda shaxsan o‘z nomimdan sizlarni dzyudo bo‘yicha
"Katta dubulg‘a" turniri munosabati bilan Toshkent shahrida samimiy qutlayman!

Biz uchun dzyudoning jahon taqvimidagi eng nufuzli musobaqalaridan birini qabul qilish katta sharafdir. Shu kunlarda Toshkent jahon dzyudo jamoatchiligi e’tibor markaziga aylanmoqda: bu yerda 40 ta davlatdan 380 nafardan ortiq sportchi ishtirok etmoqda.

Dzyudo — bu faqat sport emas. Dzyudo sport diplomatiyasida haqiqiy yetakchi bo‘lib, chegaralar, tillar va farqlardan qat’i nazar insonlarni birlashtiradi. U barcha davlat vakillari bir xil qoidalar hamda adolat tamoyillari asosida bellashadigan hurmat va tenglik muhitini yaratadi. O‘zbekiston ushbu qadriyatlarni yuksak baxolaydi. Biz ochiqlik va o‘zaro hurmat ruhini qo‘llab-quvvatlaymiz va jahon dzyudo oilasini aynan shunday muhitda Toshkent shahrida kutib olishdan faxrlanamiz.

O‘zbekiston Respublikasi Prezidenti, Muhtarram Shavkat Miromonovich Mirziyoyevning izchil qo‘llab-quvvatlashi va e’tibori tufayli bugungi kunda O‘zbekiston dzyudo tizimida 25 438 nafardan ortiq sportchi va 1 040 nafar murabbiy faoliyat yuritmoqda.

Xalqaro dzyudo federatsiyasiga ishonch va qo‘llab-quvvatlagani uchun, O‘zbekiston dzyudo federatsiyasiga, hakamlarga, volontyorlarga, tibbiyot xodimlariga hamda turnirning barcha hamkorlariga - ushbu tadbirni yuqori saviyada o‘tkazish yo‘lida amalga oshirilgan ulkan mehnat va professionallik uchun samimiy minnatdorlik bildiraman.

Hurmatli mehmonlar,
Tatami halol, chiroyli va xavfsiz bellashuvlar maydoniga aylansin. Tomoshabinlarga unutilmas taassurotlar va haqiqiy sport bayrami tilayman!