O‘zbekiston Respublikasi Sport vazirligi

Sport sohasida namunali faoliyat olib borayotgan xotin-qizlarni yurtimizda amalga oshiriladigan islohotlar, jumladan sport sohasida belgilangan ustuvor yo‘nalishlar, ko‘rsatgichlar va maqsadlar bilan tanishtirish,  ularni qo‘llab-quvvatlash,  yanada samarali faoliyat olib borishlarini rag‘batlantirish maqsadida bir guruh Jizzax viloyatida namunali faoliyat yuritayotgan trener xotin-qizlar Toshkent shahriga sayohatda bo‘lib turibdi.

Dastlab ishtirokchilar Olimpiya shaharchasida joylashgan O‘zbekiston Respublikasi Sport vazirligida bo‘lib, u yerda "Jamoa bilan samarali ishlash va time menejment" mavzusida seminarda ishtirok etishdi.

Seminarni Jismoniy tarbiya va sport bo‘yicha mutaxassislarni malakasini oshirish va qayta tayyorlash instituti prorektori Oybek Hayitov olib bordi. Ma’ruza davomida jamoa bilan ishlash samaradorligini oshirish, vaqtni to‘g‘ri taqsimlash va zamonaviy boshqaruv yondashuvlari yuzasidan muhim tavsiyalar berildi.

Shundan so‘ng trenerlar O‘zbekiston Respublikasi Sport vazirligi hamda O‘zbekiston davlat sport akademiyasi faoliyati bilan yaqindan tanishdilar. Ular sohada amalga oshirilayotgan islohotlar, ustuvor yo‘nalishlar va kelgusidagi maqsadlar haqida batafsil ma’lumotlarga ega bo‘ldilar.