Slovakiya Eksimbanki transport infratuzilma loyihalarini moliyalashtirishga qiziqish bildirmoqda
2025-04-18 10:00:00 / Yangiliklar
Uchrashuvda tomonlar Avtomobil yo‘llari qo‘mitasining "Betamont" kompaniyasi bilan hamkorlikda avtotransport vositalarining vazn va hajm parametrlarini aniqlash tizimini xarid qilish loyihasini muhokama etishdi.
Bu O‘zbekiston va Slovakiya o‘rtasida transport sohasidagi ilk loyiha bo‘lib, qisman Slovakiya hukumati tomonidan ajratilgan grant hisobiga moliyalashtiriladi.
Betamont – intellektual transport tizimlarini (ITS) ishlab chiqarishga ixtisoslashgan Slovakiya texnologik kompaniyasidir. Avtomobil va temir yo‘l transporti sohasi kompaniya ilmiy-tadqiqot ishlanmalarining asosiy yo‘nalishlarini tashkil etadi.
Betamont bilan pilot loyiha muvaffaqiyatli boshlangandan so‘ng Slovakiya Eksimbanki mamlakat kompaniyalari ishtirokidagi boshqa loyihalarni qo‘llab-quvvatlashga tayyorligini bildirdi.
Shuningdek, uchrashuvda I.Abdugafаrov serqatnov avtomobil yo‘llarida "WIM" tizimlarini o‘rnatish loyihasining dolzarbligi, hamda transport sohasidagi yirik loyihalar, jumladan, Toshkent – Andijon va Toshkent – Samarqand pullik avtomobil yo‘llari qurilishi haqida ma’lumot berdi.