Oʻzbekiston Respublikasi Transport vazirligi

Davlat hokimiyati va jamoatchilik nazoratining uyg‘unligini ta’minlash demokratik huquqiy davlat va fuqarolik jamiyatini rivojlantirishga xizmat qiladi. Faol fuqarolik jamiyatini shakllantirishning muhim sharti jamoatchilik kengashlarining roli va ahamiyatini oshirishdan iboratdir.

Zero, Jamoatchilik kengashlari davlat va jamiyat o‘rtasidagi muhim ko‘prikdir. Ular davlat idoralari faoliyati ustidan monitoring olib boradi, korrupsiyaning oldini olishda hamkor bo‘ladi va eng muhimi, fuqarolarning ovozini qarorlar qabul qilish jarayoniga yetkazadi.  

18-may kuni Transport vazirligi huzuridagi Jamoatchilik kengashining navbatdagi yig‘ilishi bo‘lib o‘tdi. Yig‘ilishda transport vaziri I.Maxkamov, kengash a’zolari ishtirok etdi.

Yig‘ilish davomida jamoatchilik nazoratini kuchaytirish, transport vazirligi, uning tizim va sohaviy tashkilotlari faoliyatining ochiqligi va shaffofligini ta’minlash, shuningdek, fuqarolar bilan samarali muloqotni yo‘lga qo‘yish masalalari atroflicha muhokama qilindi.

Ochiq muloqot shaklida tashkil etilgan tadbirda, ishtirokchilar Jamoatchilik kengashi faoliyatini takomillashtirish yuzasidan o‘z fikr-mulohazalari, taklif va tavsiyalarini bildirishdi. Tadbirda Jamoatchilik kengashi a’zolari tomonidan ilgari surilgan tashabbuslar kelgusidagi faoliyatni yanada takomillashtirishga xizmat qilishi ta’kidlandi.

Yig‘ilish yakunida bildirilgan taklif va fikrlar asosida tegishli chora-tadbirlar ishlab chiqilishi hamda kelgusidagi faoliyatda ularni inobatga olish bo‘yicha kelishib olindi.