Aviatsiya hodisalarini tekshirish sohasida mutaxassislarni tayyorlash bo‘yicha o‘quv kursi
2026-04-28 10:00:00 / Yangiliklar
Xususan, joriy yilning 20-25-aprel kunlari Transport vazirligining Aviatsiya hodisalari va insidentlarini tekshirish bo‘limi tashabbusi bilan Davlatlararo aviatsiya qo‘mitasi hamkorligida aviatsiya halokatlari va insidentlarini tekshirish sohasida aviatsiya xodimlarini tayyorlash bo‘yicha o‘quv kursi tashkil etildi.
Xalqaro fuqaro aviatsiyasi tashkiloti (ICAO) talablariga ko‘ra, har bir aviakompaniyada aviatsiya hodisalarini tekshirish bo‘yicha professional tayyorgarlikdan o‘tgan mutaxassislar bo‘lishi lozim.
Belgilangan xalqaro talablar ijrosini ta’minlash doirasida Transport vazirligining Aviatsiya hodisalari va insidentlarini tekshirish bo‘limi hamda Davlatlararo aviatsiya qo‘mitasining tajribali mutaxassislari hamkorligida o‘tkazilgan o‘quv kursida O‘zbekistonda ro‘yxatdan o‘tgan 15 ta rezident aviakompaniyalar mutaxassislari ishtirok etishdi.
O‘quv kursi yakuni bo‘yicha ishtirokchilarga tegishli sertifikatlar berildi.