Oʻzbekiston Respublikasi Transport vazirligi

Tadbirda Transport vazirligi Korrupsiyaga qarshi kurashish bo‘limi boshlig‘i N. Komilov so‘zga chiqib, mamlakatimizda korrupsiyaga qarshi kurashish siyosati va uning ustuvor yo‘nalishlaridan kelib chiqib, Transport vazirligi tizimida amalga oshirilayotgan islohotlar, korrupsiyaning oldini olish va ochiqlikni ta’minlash bo‘yicha ko‘rilayotgan chora-tadbirlar haqida tushuntirishlar berdi.

Shu bilan birga, xodimlar o‘rtasida halollik tamoyillarini mustahkamlash va yoshlarda korrupsiyaga nisbatan murosasizlik muhitini shakllantirish masalalariga alohida e’tibor qaratildi.

Shuningdek, sohada yashirin iqtisodiyotga qarshi kurashish, naqd pul aylanmasini qisqartirish va naqdsiz to‘lovlar ulushini oshirish, norasmiy bandlikni kamaytirish hamda mehnat munosabatlarini legallashtirish bo‘yicha amalga oshirilayotgan chora-tadbirlar haqida batafsil ma’lumot berildi.

Noqonuniy yo‘lovchi tashish va hisobga olinmagan pul aylanmalarining oldini olish maqsadida barcha tashuvchi korxonalar daromad va to‘lov hisobotlarini “E-Transport” axborot tizimida yuritishi shartligi, Transport nazorati inspeksiyasi tomonidan muntazam reyd tadbirlari o‘tkazilishi hamda aniqlangan qonunbuzarliklarga nisbatan qat’iy choralar ko‘rilishi ta’kidlandi.