Termizda hamshiralar uchun bepul nemis tili kurslari boshlandi
2025-09-03 14:45:00 / Yangiliklar
Migratsiya agentligi va Germaniyaning “RekruitMed GmbH” kompaniyasi hamkorligida Surxondaryo viloyatining Termiz shahrida yuqori malakali tibbiyot kadrlarini tayyorlash maqsadida bepul nemis tili kurslari tashkil etildi.
📌 Ish beruvchilar tanlovi asosida saralangan 20 nafar iqtidorli hamshiralar xalqaro standartlarga mos B2 darajadagi kurslarda ishtirok etmoqda.
Loyihaning asosiy maqsadi:
▪️hamshiralarning til bilimini oshirish;
▪️kasbiy salohiyatini kuchaytirish;
▪️Germaniya kabi rivojlangan davlatlarda qonuniy ishlash imkoniyatlarini yaratish.
Loyiha 2025-yil 26-avgust kuni rasman faoliyatini boshladi va kelgusida mamlakatimizning boshqa hududlarida ham amalga oshirilishi rejalashtirilgan.
Ochilish marosimida Migratsiya agentligi direktori Behzod Musayev hamda “RekruitMed GmbH” kompaniyasining O‘zbekistondagi vakillari ishtirok etdi.
Bu tashabbus tibbiyot sohasida xalqaro tajribaga ega kadrlar zaxirasini shakllantirishda muhim qadam hisoblanadi.