"Vatanga qaytarish" aksiyasi yuzasidan muhim yig‘ilish bo‘lib o‘tdi
2025-08-01 21:05:00 / Yangiliklar
Tashqi ishlar vazirligi, Migratsiya agentligi va mamlakatimizning xorijiy davlatlardagi 30 dan ortiq diplomatik vakolatxonalari mas’ullari ishtirokidagi onlayn muloqotda “Vatanga qaytarish” xayriya aksiyasini samarali tashkil qilish bo‘yicha qadamma-qadam vazifalar belgilab olindi:
▪️Elchixona va konsulliklar — 7-avgustga qadar, xorijiy davlatlarning Deportatsiya markazlaridagi o‘zbekistonlik fuqarolarni aniqlaydilar va ro‘yxatni Migratsiya agentligiga taqdim etadilar.
15-avgustgacha shaxsiy ma’lumotlari yetarli bo‘lmaganlar uchun zarur hujjatlarni tayyorlab, ikkinchi ro‘yxatni agentlikka yuboradilar.▪️Migratsiya agentligi — taqdim etilgan ro‘yxat asosida 1-3 ish kuni ichida avia chiptalarni xarid qiladi.
▪️Fuqaro migratsiya agentligiga to‘g‘ridan -to‘g‘ri murojaat qilsa agentlik xodimlari 1-2 soat ichida bog‘lanadi va hujjatlarni masofaviy qabul qiladi. Arizani 1 kun ichida ko‘rib chiqib, 2 kun muddatda yo‘l chipta bilan ta’minlaydi.
▪️Mahalliy hokimliklar, Bandlik vazirligi, Oila va xotin-qizlar qo‘mitalari, vatanga qaytarilgan fuqarolarni ruhiy, ijtimoiy va iqtisodiy moslashtirish ishlarini amalga oshiradi.
Aksiya joriy yil 30-iyuldan 30-avgustgacha davom etadi. Birinchi navbatda Turkiya, Rossiya, Qozog‘iston, BAA, Saudiya Arabistoni, Hindiston, AQSH va Janubiy Koreyada deportatsiya markazlarida saqlanayotgan ayollar va bolalar qaytariladi.