Namangan viloyatida tashqi mehnat migratsiyasi sohasida amalga oshirilgan ishlar holati to‘g‘risida MA’LUMOT
2026-05-04 15:00:00 / Brifinglar
I. Migratsiya jarayonlari.
a). 1.01.2026 yil holatiga xorijdagi fuqarolar soni 110,3 ming nafar, ulardan erkaklar – 87,4 ming, ayollar – 22,9 ming, yoshlar – 7,9 ming.
shundan, mehnat migrantlari 95,1 ming (86,1%), ta’lim olayotgan 2,6 ming (2,4%) va boshqa maqsadda ketganlar 12,6 ming (11,5%) nafarni tashkil etmoqda;
davlatlar: Rossiya – 58,7 ming (53,2%), Qozog‘iston – 16,9 ming (15,4%), Turkiya – 8,4 ming (7,6%), Koreya – 6,1 ming (5,5%) va boshqa davlatlar – 20,1 ming (18,2%);
xorijda bo‘lib turgan fuqarolar ulushi tahlil qilinganda, eng ko‘p qismi Chust tumani (10,3% yoki 11,4 ming), Namangan shahri (10,3% yoki 11,1 ming), Pop tumani (9,2% yoki 10,2 ming), Uchqo‘rg‘on tumani (9,0% yoki 9,9 ming).
b). Mehnat migrantlari balansi.
mehnat migrantlari 95,1 ming nafarni (yil boshida 40,1 ming bo‘lgan) tashkil qilib, yil boshiga nisbatan 54,9 mingga yoki 136,8%ga ko‘paydi;
shu bilan birga, fuqarolar an’anaviy Rossiya va Qozog‘istondan ko‘ra rivojlangan Yevropa davlatlarida yuqori daromadli ishlarga borishi kuzatilgan.
v). Mehnat migrantlari pul jo'natmalari.
2025 yil davomida 755,6 mln. doll. miqdorida pul o‘tkazmalari kelib tushdi, o‘tgan yil shu davriga nisbatan 104,1 mln. doll. yoki 1,1 baravarga yoki 16 foizga o‘sgan (2024 yilda 651,6 mln. doll. bo‘lgan).
II. Tartibli mehnat migratsiyasi ko‘rsatkichlari
a). 2025 yilda 8 661 nafar fuqaro kasb va xorijiy tillarga o‘qitildi (1,6 baravarga oshgan, 2024 yilda 5 242 nafar).
Kasbiy ko‘nikmalar markazida – 2 479 nafar, Qurilish sohasi malakali mutaxassislarini tayyorlash markazida 278 nafar, OTM huzuridagi qisqa muddatli kurslarda 1022 nafar, nodavlat ta’lim muassasalariga –3 603 nafar, Migratsiya agentligi tashabbusi bilan tashkil qilingan o‘quv kurslarda 783 nafar, Xorijiy ta’lim tashkilotlari bilan hamkorlikda 51 nafar “onlayn” kurslar (rus- 445).
b). fuqarolarga qulaylik va qamrov sifatini ta’minlash maqsadida 14 ta xususiy va 2 ta davlat o‘quv markazlari bilan hamkorlik yo‘lga qo‘yildi;
avvallari faqatgina davlatga qarashli bo‘lgan muassasalarida kasb va chet tillarga o‘qitilgan bo‘lsa, endi 18 ta xususiy sektordagi markazlari bilan hamkorlik o‘rnatilib, mutaxassislarni maqsadli tayyorlash tartibi joriy qilindi;
Hususan, Korea School, Vodiy Ta`lim, Seans va Korea Prof German ushbu xususiy o‘quv markazlar bilan hamkorlikda koreys va nemis tillariga o‘qitish yo‘lga qo‘yilgan.
g). Namangan shahridagi 2- sonli Abu Ali Ibn Sino texnikumida Germaniyaning “Globagate” loyihasi va Namangan shahridagi Kasbiy ko‘nikmalar markazida Germaniyaning “Consaltinguz” xorijiy kompaniyasi bilan xamkorlikda nemis tili kurslari tashkil etildi.
“Globagate” loyixasi asosida, 24 nafar o‘rta bo‘g‘in tibbiy xodimlari o‘qishga jalb qilindi, xarajatlari xamkor tashkilot hisobidan amalga oshirilmoqda.
“Consaltinguz” loyixasi asosida, 51 nafar xaydovchilik, xizmat ko‘rsatish va qurilish sohalarida ishlash istagida bo‘lgan fuqarolar o‘qishga jalb qilindi, xarajatlari xamkor tashkilot hisobidan amalga oshirilmoqda.
d). Germaniya, Buyuk Britaniya, Slovakiya, Qatar, Makedoniya, Chernogoriya, Koreya, Yaponiya, Rossiya salohiyatli ish beruvchilari taqdim etgan yuqori daromadli ish o‘rinlariga fuqarolarni joylashtirish bo‘yicha ishlar olib borildi.
migratsiya sohasini diversifikatsiya qilish doirasida Yevropa va rivojlangan davlatlarga jo‘natiladigan fuqarolar sonini 2 barobarga oshirish belgilandi.
224 marotaba tanlovlar o‘tkazilib, 2 340 nafar fuqaro tanlab olindi.
e). Xorijda yuqori daromadli ishlarga 16 772 nafar fuqarolar joylashtirildi (38 foizga oshgan, 2024 yilda 12 112 nafar).
j).“Xorijga ish - mahalladan” tamoyili asosida e’lonlar fuqarolarga yetkazilishi natijasida kasblar va tillariga qiziqish ortib bormoqda va tashkiliy xorijga ishga yuborish ta’minlanmoqda;
Masalan, Germaniya tanlovlariga 2-3 nafardan fuqaro qatnashgan bo‘lsa, bu yil xorijiy tashkilotlar bilan xamkorlikda qisqa kurslarni amalga oshirib "GLOBOGATE CONCEPT AG"-16 nafar, CONSALTINGUZ- 9 nafar, THE INTERNATIONAL PEOPLE IP GMBH & CO KG- 18 nafar tashkiloti bilan hamkorlikda fuqarolar ishga joylashtirildi;
2024 yilda Germaniyaga yuborilgan fuqarolar 42 nafarni tashkil qilgan bo‘lsa, bu yil 86 nafarni tashkil etdi (2 baravarga oshdi).
III. Xorijdagi fuqarolarni qo‘llab-quvvatlash
a). Mehnat migrantlarini qo‘llab-quvvatlash
2 378 nafar vatandoshga turli yordamlar ko‘rsatildi, jumladan:
1 136 nafariga huquqiy, 772 nafariga ijtimoiy yordam, 71 nafarga moddiy yordam, 679 nafariga ishga joylashtirildi, 36 nafar fuqarolarga xostel, 1 nafar fuqarolarga tibbiy ko‘rik xarajatlari qoplab berildi;
48 nafar fuqaro jasadlari olib kelingan.
b). Mehnat migrantlari oilalarini qo‘llab-quvvatlash
10 506 nafar mehnat migrantlarining oila a’zolari holidan xabar olindi va zaruriy yordamlar ko‘rsatildi.
3 917 nafariga huquqiy, 2 422 nafariga moddiy va ijtimoiy, 2 025 nafariga psixologik va 2 142 nafariga tibbiy yordamlar ko‘rsatildi.
v). Migratsiya agentligining xorijdagi vakolatxonalari ko‘magida “Vatanga qaytarish” aksiyasi doirasida 314 nafar fuqarolarga bir martalik moddiy yordam, qiyin ahvolda qolgan 71nafar fuqarolariga avia chipta olib berilib vatanga bepul qaytarildi.
IV. Istiqbolli hamkorlik
a). Migratsiya agentligi, Yaponiyaning PROUD PARTNERS va ONODERA USER RUN vakillari bilan xizmat ko‘rsatish, xaydovchilik va oziq-ovqat yunalishlarida maqsadli kurslar tashkil etish bo‘yicha muzokaralar o‘tkazildi.
Kelishuvga asosan 2026 yilda xizmat ko‘rsatish, qurilish va servis sohalariga 100 nafardan ortiq fuqarolar maqsadli o‘qitilib ishga joylashtirish belgilab olindi.
b). Germaniyaning “International People Placement” Gmb-H tashkiloti bilan fuqarolarni nemis tiliga o‘qitib, Germaniyada yuqori daromadli ishga joylashtirish hamkorlik yo‘lga qo‘yildi.
“International People Placement” Gmb-H tashkiloti bilan xamkorlikda fuqarolarni nemis tiliga o‘qitish yo‘lga qo‘yildi va 58 nafar fuqarolar jalb qilindi.
2026 yil rejalari
Migratsiya oqimi yuqori tumanlar “migratsion portreti” (ob’ektivka, tezis, dinamika) va “migratsiya balansi” tayyorlanadi, migratsiya tendensiyalarini to‘g‘ri boshqarish uchun situatsion nazorat o‘rnatiladi;
Namangan viloyatinining barcha tumanlariga rivojlangan davlatlar rekruting agentliklari va mahalliy xususiy bandlik agentliklari biriktiriladi;
reja-jadval asosida har oyda kamida 2 marotaba “Mehnat yarmarkalari” tashkil qilib boriladi;
elchixonalar ko‘magida 1 ta bilimni baholash markazlari va qo‘shma o‘quv dasturlari yo‘lga qo‘yiladi;
850 nafar fuqaro xorij buyurtmalari va standartlari asosida kasb-hunar va xorijiy tillarga o‘qitiladi;
bunda, “ASKANIA FUTURE” - (Germaniya, haydovchi), “CONSALTINGUZ” - (Germaniya, qurilish), “International People Placement” Gmb-H (Germniya qassobchilik) “ARYA” markazi (Turkiya, qurilish), “PROUD PARTNERS” - (Yaponiya, haydovchi), “JOHO VENTURE” - (lift xizmatchisi), “LATVIA CERTIFICATE CENTRE” - (avtokara, metallarga ishlov berish va payvandchilar malakasini baholash) o‘quv loyihalari doirasida 300 nafar malakali mutaxassis tayyorlanadi;
Migratsiya agentligi tashabbusi bilan Namangan viloyatining xar bir tumanidagi bittadan texnikumda nemis, koreys va yapon tillarini bepul o‘qitish bo‘yicha o‘quv kurslari tashkil etish yo‘lga qo‘yilib, joriy yilda jami 1 000 nafar o‘quvchilarni chet tillariga o‘qitiladi.
20 ming fuqaro xorijda yuqori daromadli ishlarga joylashtiriladi.