Turkiyada uzluksiz 3-yil yashab kelgan o‘zbekistonliklar 1-martdan boshlab ishlash xuquqini beruvchi ruxsatnoma olishi mumkin
2026-01-29 17:10:00 / OAV biz haqimizda
Ayni payt Turkiyada bo‘lib turgan O‘zbekiston delegatsiyasi vakillari turli vazirlik, idoralarda uchrashuv va muzokaralar o‘tkazmoqda. Xususan, Vazirlar Mahkamasi huzuridagi Migratsiya agentligi rahbari Behzod Musayev Turkiya Respublikasi Mehnat va ijtimoiy ta’minot vaziri Vedat Ishikxan bilan uchrashdi.
Muloqot davomida mavjud hamkorlik ko‘lamini yanada kengaytirish, qonuniy va himoyalangan mehnat migratsiyasini yangi bosqichga olib chiqishga qaratilgan muhim masalalar ko‘rib chiqildi. Tomonlar bir necha muhim kelishuvga erishdi. Masalan, ushbu qardosh yurtda noqonuniy maqomda yurgan vatandoshlarimizni deportatsiyasiz legallashtirish amaliyotini davom ettirish, uzluksiz 3-yil yashab kelganlarga 1-martdan boshlab, ilk bor ishlash xuquqini beruvchi ruxsatnoma taqdim etish, Mehnat vazirligi huzuridagi "İSKUR" tashkiloti tomonidan talab yuqori bo‘lgan kasblarni markazlashtirib, Migratsiya agentligiga talabnoma yuborish kabi masalalar bo‘yicha Bitim imzolashga kelishib olindi.
Batafsil 👇
Manbaa: uza.uz