O'zbekiston Respublikasi Vazirlar Mahkamasi huzuridagi Migratsiya agentligi

Aynan Siz uchun ajoyib taklif — Migratsiya agentligining faxriy vakili sifatida faoliyat yuritish imkoniyatiga egasiz.

Yuqoridagi xorijiy davlatlarda doimiy yoki vaqtincha istiqomat qilayotgan nomzodlarga qo‘yiladigan malaka talablar:

• oliy ma’lumotli;

• ikki yillik rahbarlik lavozimlaridagi tajriba (korxona, tashkilot rahbari yoki 5 nafardan ortiq jamoaga rahbarlik qilish tajribasi);

• diplomatik etiket qoidalariga muvofiqlik, muzokaralar o‘tkazish hamda ish beruvchilar bilan ishlash tajribasi;

• mehnat qonunchiligi, ishga joylashtirish, fuqarolar bilan ishlash sohasida kamida ikki yillik tajriba;

• xorijiy davlatdagi qonunchilik va mahalliy tartib-qoidalardan xabardorlik.

Agarda, Siz yuqoridagi talablarga muvofiq bo‘lsangiz info@migration.uz elektron pochta manziliga quyidagi ma’lumotlarni ilova qilgan holda murojaat qiling:

• ish tajribasi, faoliyati davomida erishgan yutuqlari, shaxsiy fazilatlari hamda o‘zingiz haqida boshqa ma’lumotlarni yoritib beruvchi CV (rezyume);

• xorijdagi yashash manzilini tasdiqlovchi hujjat, elektron pochta manzili va aloqa uchun telefon raqami;

 
• motivatsion xat (letter of motivation).

Sizning ma’lumotlaringiz bizning talablarga muvofiq kelgan taqdirda siz bilan bog‘lanamiz.

Ushbu e’lonnoma muvofiq, ma’lumotlaringizni 2026 yil 01 fevralga qadar yuborishingiz mumkin.

Migratsiya agentligi Faxriy vakilining asosiy vazifalari

1. Xorijiy davlatlarda yangi, qonuniy va ishonchli ish o‘rinlarini aniqlash, ushbu masalalar bo‘yicha mahalliy vakolatli idoralar va ish beruvchilar bilan muzokaralar olib borish;

2. O‘zbekistonlik fuqarolarga huquqiy yordam ko‘rsatish, murakkab hayotiy vaziyatlarga tushib qolgan fuqarolarning manfaatlarini himoya qilishda ishtirok etish;

3. Mehnat migratsiyasi sohasida axborot tarqatish, targ‘ibot ishlarini amalga oshirish;

4. Migratsiya agentligi bilan doimiy aloqa o‘rnatish, ish jarayonlari to‘g‘risida muntazam axborot va hisobot taqdim etib borish;

5. Mehnat migrantlarining huquqlari buzilgan hollarda bu haqda Migratsiya agentligiga tezkor ma’lumot taqdim etish va tegishli choralarni ko‘rishda ko‘maklashish.

Migratsiya agentligi Faxriy vakili faoliyati uchun zarur shart-sharoitlar va moliyaviy qo‘llab-quvvatlash

1. Faxriy vakil o‘z faoliyati shartnomaviy-huquqiy munosabatlar asosida amalga oshiradi hamda har oyda faoliyat samaradorligidan kelib chiqib, faoliyat yuritayotgan davlatda o‘rnatilgan (soatbay, kunbay, haftalik yoki oylik) minimal mehnatga haq to‘lash miqdorini inobatga olgan holda O‘zbekiston Respublikasida o‘rnatilgan “Mehnatga haq to‘lashning eng kam miqdori”ning 30 baravarigacha rag‘batlantirib boriladi (bu tahminiy 3 000 AQSH dollari miqdorida).

2. O‘ziga yuklatilgan vazifalar ijrosi bo‘yicha natijadorlikni inobatga olgan holda, hisobot asosida Migratsiya agentligi mablag‘lari hisobidan faxriy vakilning vazifalarini bajarishi bilan bog‘liq quyidagi joriy xarajatlar qoplab beriladi, jumladan:

a) transport xarajatlari;

b) safar xarajatlari doirasidagi mehmonxona xarajatlari;

v) mahalliy rekruting tashkilotlari va ish beruvchilar bilan uchrashuvlar o‘tkazish uchun sarflar.