Özbekiston Respublikasi Madaniy meros agentligi

Madaniy meros agentligi Toshkent shahri, Yakkasaroy tumani, Bobur ko‘chasi, 7-uy manzilida joylashgan madaniy meros obyektini muhofaza qilish bo‘yicha ko‘rilayotgan huquqiy choralar haqida quyidagilarni ma’lum qiladi.

Avvalroq Agentlik tomonidan mazkur tarixiy binoning saqlanishiga tahdid solayotgan o‘tgan yillarda qabul qilingan qarorlarga huquqiy baho berish maqsadida O‘zbekiston Respublikasi Bosh prokuraturasiga rasmiy murojaat yuborilgan edi.

Bosh prokuratura Madaniy meros agentligining pozitsiyasini to‘liq qo‘llab-quvvatladi. Qonunchilik buzilishlarini bartaraf etish maqsadida nazorat organi tomonidan tegishli hokim qarorini noqonuniy deb topish talabi bilan sudga da’vo arizasi kiritildi.

Agentlik mamlakatning madaniy va tarixiy merosini muhofaza qilish masalasida prokuratura organlarining tezkor munosabati va prinsipial pozitsiyasi uchun minnatdorlik bildiradi.

“Konstitutsiyamizning 61-moddasida fuqarolar O‘zbekiston xalqining tarixiy, ma’naviy, madaniy, ilmiy va tabiiy merosini asrab-avaylashga majbur ekani aniq va tiniq qilib belgilangan. Qonun barcha uchun barobar. Shaxsiy manfaatlar yo‘lida mamlakatning madaniy merosini yo‘q qilishga qaratilgan har qanday urinishlarga biz qat’iy va faqat qonuniy tartibda kurashamiz. O‘zbekiston tarixini buzib tashlashga yo‘l qo‘ymaymiz”, — deya ta’kidladi Madaniy meros agentligi rahbarining birinchi o‘rinbosari Elmurod Najimov.