Mustaqillik bayrami munosabati madaniy meros obyektlariga kirish uchun 20 foizgacha chegirmalar joriy etildi
2026-08-26 19:05:00 / Yangiliklar
O‘zbekiston Respublikasi mustaqilligining 35 yilligi munosabati bilan fuqarolarimizni yurtimizning boy tarixiy va madaniy merosi bilan yaqindan tanishtirish, ichki turizm salohiyatini yanada oshirish maqsadida 31-avgust hamda 1-sentabr kunlarida barcha yoshdagilar uchun kirish chiptalariga 20 foizgacha chegirma beriladi. Ushbu chegirma Madaniy meros agentligi tizimidagi 114 ta davlat muzey va muzey-qo‘riqxonalar, tarixiy yodgorliklar uchun amal qiladi.
Bayram kunlari madaniy meros obyektlarida mahalliy hokimliklar bilan hamkorlikda turli madaniy-ko‘ngilochar tadbirlar, yarmarkalar va bayram aksiyalarini tashkil etilish rejalashtirilgan.
Mustaqillik bayrami munosabati bilan joriy etilgan ushbu imkoniyatdan foydalangan holda oila va yaqinlaringiz bilan yurtimizning qadimiy go‘shalaridan bahramand bo‘lishni tavsiya etamiz!