Bahouddin Naqshband majmuasi: kecha va bugun
2024-09-10 18:10:00 / Yangiliklar
Oradan ko‘p o‘tmay majmuada qator ishlar amalga oshirildi. Buning natijasida ziyoratgoh o‘zgacha ko‘rinish kasb etdi. Yodgorlik va uning yondosh hududlarida restavratsiya, konservatsiya va obodonlashtirish ishlari olib borildi. Xususan, usta restavratorlar tomonidan bir asr avval buzib yuborilgan mang‘itlar sulolasining asoschisi Doniyolbiy otaliqning maqbarasi va madrasalari o‘z o‘rnida qayta tiklandi, “Toqi miyona” va “Dilovar” darvozalari restavratsiya qilindi, “Doloni daroz” deb ataluvchi qadimiy kirish yo‘li ta’mirlandi.
Majmuaga tashrif buyuruvchi mahalliy va xorijiy mehmonlar uchun qo‘shimcha avtoturargohlar barpo etilib, mavjudlari kengaytirildi. Bahouddin Naqshbandning haziralari atrofidagi ayvonlarning tom qismi ta’mirlandi. Yodgorlik hududida mohir ustalar tomonidan 100 o‘rinli yangi tahoratxona binosi qurildi va mavjudlari qayta ta’mirlandi, majmua hududidagi eski bino muzeyga aylantirildi. Ziyoratgohga turli xildagi ziyon yetkazilishi oldini maqsadida uning hududi g‘ishtli devor bilan to‘liq o‘rab olindi.
Eslatib o‘tamiz, hozirgi vaqtda yodgorlikda restavratsiya ishlari to‘liq yakunlangan bo‘lib, mahalliy va chet el sayyohlarining ziyoratlari uchun muntazir.