Ichan-qal’a aqlli muzey-shaharga aylantiriladi
2025-11-26 16:00:00 / Yangiliklar
Mamlakatimizning boy va tarixiy madaniy merosini zamonaviy texnologiyalar yordamida keng targ‘ib qilish maqsadida Xiva shahridagi qadimiy “Ichan-qal’a” muzey-qo‘riqxonasi aqlli muzey-shaharga aylantiriladi.
O‘zbekiston Respublikasi Prezidentining 2025-yil 19-noyabrdagi “O‘zbekiston Respublikasi Turizm qo‘mitasi faoliyatini tashkil etish va turizm sohasini jadal rivojlantirish chora-tadbirlari to‘g‘risida”gi qarorida “Ichan-qal’a” aholisining kundalik hayoti, savdo va xizmat ko‘rsatish infratuzilmasi hamda kommunikatsiya tizimi bilan uyg‘unlashtirilgan holda qadimiy Xivaning tarixiy ruhini saqlagan zamonaviy, immersiv va raqamli muzey-shaharga aylantiriladi. Sayyohlar tarixiy obidalarni nafaqat ko‘rish, balki ularning tarixini chuqurroq his qilish va interfaol tajribalar orqali o‘rganish imkoniga ega bo‘ladi.
Shu tariqa, loyiha nafaqat Xivaning tarixiy merosini himoya qilishga xizmat qiladi, balki O‘zbekiston turizm infratuzilmasini yangi bosqichga olib chiqadi va xalqaro maydonda raqobatbardosh bo‘lish imkonini kengaytiradi.