O‘zbekiston Respublikasi qishloq xo‘jaligi vazirligi huzuridagi o‘simliklar karantini va himoyasi agentligi

BOMKA–10: O‘zbekistonda fitosanitar xavfsizlikni kuchaytirishga xizmat qiladi

O‘simliklar karantini va himoyasi agentligi qishloq xo‘jaligi mahsulotlari eksportida xavfsizlikni ta’minlash va xalqaro standartlarga mos tizim yaratishda muhim qadamlarni qo‘ymoqda. Shu maqsadda mamlakatimiz YEI tomonidan moliyalashtiriladigan BOMKA–10 (Border Management Programme in Central Asia) dasturi doirasidagi hamkorlikni davom ettirmoqda. 

Ma’lumot uchun, BOMKA dasturi Markaziy Osiyo mamlakatlarida chegara nazorati tizimini takomillashtirish, xavfsizlik va savdo jarayonlarini bir vaqtning o‘zida samarali yo‘lga qo‘yishga qaratilgan. 

Dastur doirasida:
zamonaviy chegara infratuzilmasi yaratish;
kadrlar malakasini oshirish;
xavflarni tahlil qilish va boshqarish metodologiyalarini joriy etish;
fitosanitar, veterinar va sanitariya sohasida xalqaro standartlarni integratsiya qilishga e’tibor qaratiladi. 

Dasturning mamlakatimizda bosqichma-bosqich joriy etilishi:
Eksport jarayonlarini tezlashtirish va soddalashtirish;
Inspektorlar malakasini oshirish;
Zamonaviy laboratoriya uskunalari va axborot texnologiyalaridan foydalanish;
 Xalqaro hamkorlikni mustahkamlash yo‘nalishida hamkorlikni kengaytirish va ilg‘or tajribalarni joriy etish imkonini beradi.