Toshkent tumanida qishloq xo‘jaligi mahsulotlari eksport hajmi barqaror ortib bormoqda
2026-05-28 19:50:00 / Yangiliklar
Eksport jarayonlarining xalqaro standartlarga mos ravishda, xavfsiz va sifatli amalga oshirilishida tuman O‘simliklar karantini va himoyasi agentligi bo‘limi inspektorlarining hissasi katta bo‘lmoqda. Mas’ul xodimlar tomonidan xorijiy bozorlarga yo‘naltirilayotgan har bir turdagi mahsulot uchun belgilangan tartibda ichki fitosanitariya sertifikatlari o‘z vaqtida rasmiylashtirib berilmoqda. Ushbu tizimli choralar tuman qishloq xo‘jaligi mahsulotlarining xalqaro bozorlardagi nufuzini yanada oshirishga xizmat qilmoqda.
Hozirgi vaqtda tumandan har kuni 300 tonnadan 400 tonnagacha bo‘lgan hajmdagi sarxil meva-sabzavotlar chet el bozorlariga yo‘naltirilmoqda. Eksport hajmini yanada oshirish, tadbirkor va dehqonlarga qulayliklar yaratish maqsadida O‘simliklar karantini va himoyasi agentligi inspektorlari tunu kun, ya’ni 24/7 rejimida uzluksiz faoliyat yuritib kelmoqdalar.