Rossiya Federatsiyasi tomonidan O‘zbekiston meva-sabzavot mahsulotlari eksportiga taqiq o‘rnatilmadi.
2026-05-30 13:50:00 / Yangiliklar
Rosselxoznadzor tomonidan O‘zbekistondan import qilinayotgan barcha meva-sabzavot mahsulotlariga nisbatan taqiq joriy etilmagan. O‘zbekiston meva-sabzavot mahsulotlarining Rossiya bozoriga yetkazib berilishi odatiy tartibda davom etmoqda.
2026-yil 29-may kuni Rosselxoznadzor O‘zbekistonning vakolatli organiga meva-sabzavot mahsulotlarini xavfsiz va uzluksiz yetkazib berishni ta’minlashga qaratilgan qo‘shimcha mexanizmlarni ishlab chiqish maqsadida texnik muzokaralar o‘tkazish taklifi bilan murojaat qilgan.
Ikki davlatning vakolatli organlari eksport qilinayotgan mahsulotlarning sifati va xavfsizligini ta’minlash masalalari bo‘yicha konstruktiv hamkorlikni davom ettirmoqda. Shu munosabat bilan O‘zbekiston meva-sabzavot mahsulotlariga nisbatan to‘liq taqiq joriy etilgani haqidagi xabarlar asossiz.
Ommaviy axborot vositalari va ijtimoiy tarmoq foydalanuvchilarini faqat rasmiy va tekshirilgan ma’lumotlarga tayanishga chaqiramiz.