Yevropa bozorlarida mamlakatimizda yetishtirilgan ko‘katlarga talab ortib bormoqda
2026-04-21 13:00:00 / Yangiliklar
O‘zbekistonning Riga shahridagi savdo uyi ma’lumotiga (https://www.freshplaza.com/north-america/article/9817913/uzbek-herbs-take-on-turkey-and-egypt-in-eu-markets/) ko‘ra, O‘zbekistondan ko‘kat mahsulotlari Yevropa bozoriga eksport qilinib, xususan Boltiqbo‘yi davlatlari, Polsha, Chexiya, Slovakiya va Germaniyaning ayrim hududlarida barqaror talab shakllangan.
O‘zbekiston mahsulotlarining asosiy ustunliklari:
— raqobatbardosh narx;
— mavsumga qaramasdan yetkazib berish imkoniyati;
— tabiiylik, to‘q yashil rang va sifatli yetkazilishi;
— barqaror sovuq zanjir orqali saqlash sifati.
Bugungi kunda asosiy mahsulotlar shivit (ukrop), petrushka va ko‘k piyoz bo‘lib, kashnich (kinza), rayhon va ismaloq (shpinat) kabi ko‘katlar buyurtma asosida yetkazilmoqda.
Mahsulotni Yeropa Ittifoqiga eksport qilish uchun sifat va standartlarga alohida e’tibor qaratish kerak. Bunda mahsulotlar:
— Global G.A.P. sertifikatiga ega bo‘lishi;
— oziq-ovqat xavfsiziligi bo‘yicha laboratoriya tahlillari o‘tkazilishi;
— fitosanitar hujjatlarda barcha m’aluomtlar aks ettirilishi, ya’ni traceability – mahsulot yetishtirilishi bo‘yicha kuzatuvchanlikni ta’minlash.
Ma’lumot uchun, 2026-yil 20-aprel holatiga kelib Yevropaga 17 711 tonna turli ko‘katlar yetkazilgan bo‘lib, mahsulot qiymati 19 mln 542 ming dollarni tashkil etdi. Bu esa o‘tgan yilning shu davriga nisbatan 1,5 barobar ko‘p.