Niderlandiya delegatsiyasi Agentlikga: mahalliy mahsulotlarning eksportiga qiziqish bildirildi
2026-04-13 15:00:00 / Yangiliklar
O‘simliklar karantini va himoyasi agentligi direktori Ibrohim Ergashev Niderlandiya Qirolligi karantin xizmati delegatsiyasini qabul qildi. Lianna Kersbergen boshchiligidagi delegatsiya vakillariga O‘zbekistonning fitosanitar xizmati faoliyati yuzasidan namoyish o‘tkazildi.
Muloqotda ikki davlat o‘rtasida o‘simliklar karantini va himoyasi sohasidagi hamkorlikni yanada mustahkamlash, xalqaro savdoda fitosanitar xavfsizlikni ta’minlash hamda ilg‘or tajribalar almashinuvini kengaytirishga e’tibor qaratildi.
Niderlandiya tomoni fitosanitar nazoratda qo‘llanilayotgan zamonaviy yondashuvlar — xavflarga asoslangan nazorat tizimi, raqamli sertifikatlash (e-Phyto), chegara maskanlarida kinologiya xizmati, Markaziy fitosanitariya laboratoriyasi va ko‘chma laboratoriyalar hamda agrotahlillar o‘tkazishga mo‘ljallangan mobil laboratoriya faoliyatini yuqori baholashdi.
Qolaversa, Markaziy eksport shtabida o‘tkazilgan uchrashuv davomida O‘zbekistonning qishloq xo‘jaligi eksportiga oid salohiyat bilan tanishdilar. Muloqotda mehmonlar mamlakatimizdan Niderlandiyaga meva-sabzavotlarni eksport qilish tarafdori ekanligi ma’lum qilishdi. Ayniqsa, mahalliy limon navlarining sifati va ta’mi alohida e’tirof etildi.