Agentlikda 8-mart – Xalqaro xotin-qizlar kuni munosabati bilan bayram tadbiri o‘tkazildi
2026-03-06 14:35:00 / Yangiliklar
Oila va jamiyatning mustahkam tayanchi, hayotimizning fayzi va ko‘rki bo‘lgan xotin-qizlarni e’zozlash, ularga hurmat va ehtirom ko‘rsatish xalqimiz uchun azaldan qadriyat hisoblanadi.
Xalqaro xotin-qizlar kuni munosabati bilan O‘simliklar karantini va himoyasi agentligida bayram tadbiri tashkil etildi. Unda Agentlik rahbariyati hamda markaziy apparatda faoliyat yuritayotgan xotin-qizlar ishtirok etdi.
Tadbirda yurtimizda ayollar uchun yaratilayotgan keng imkoniyatlar, ularni qo‘llab-quvvatlash va rag‘batlantirish borasida amalga oshirilayotgan islohotlar haqida so‘z yuritdi. Shuningdek,o'simliklar karantin va himoyasi tizimida samarali faoliyat yuritayotgan, sohaning rivojiga hissa qo'shib kelayotgan, davlatimizning eksport salohiyatini rivojlantirishda ishtirok etayotgan, ilmiy tadqiqotlar olib borayotgan barcha xotin-qizlarga minnatdorchilik bildirildi.
Bayram tadbiri yakunida Agentlik kasaba uyushmasi qo‘mitasi tomonidan tizimda faoliyat yuritayotgan barcha xotin-qizlarga esdalik sovg‘alari topshirildi.