O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligi

Ushbu dorivor plyonka keng taʼsirga ega bo‘lib, virusga qarshi faollik, immun tizimini mustahkamlovchi, regeniratsiyalovchi, antiproliferativ xossalarni namoyon etishi aniqlangan.

Bioeruvchan “GLAZAVIR” dori plyonkasi yuqori qovushqoqlikka ega bo‘lib, ko‘z shox pardasidagi suyuqlik bilan uzoq taʼsirlashish va bir xil taqsimlanish  xossasiga ega.

Plyonka ko‘z quyi qobig‘iga qo‘yilganda belgilangan vaqt davomida bosqichma-bosqich eriydi. Plyonka tarkibidagi biologik faol modda tomchi shaklidagi dori vositasiga nisbatan uzoq vaqt taʼsir etadi.  

Dorivor plyonkalar ko‘zga sutkasiga 1-2 marta qo‘yiladi. U bioparchalanuvchan va bioeruvchan bo‘lib, salbiy ta’sirga ega emas.

Amaliy va innovatsion loyihalar natijasida yaratilgan ushbu dorivor plyonka oftalmologiyada virusli ko‘z kasalliklarini samarali, xavfsiz va qulay tarzda davolash imkonini beradi. O‘zining yuqori samaradorligi, uzoq muddatli ta’siri va ko‘z to‘qimalariga mos biologik xususiyatlari bilan ajralib turadi. Virusli ko‘z kasalliklarini davolashda xavfsiz va qulay vosita bo‘lib, tomchi shaklidagi preparatlarga qaraganda yuqori terapevtik afzalliklarga ega.