O‘zbekiston-Koreya: startap ekotizimi bo‘yicha hamkorlik kengaytiriladi
2025-08-05 20:05:00 / Yangiliklar
Bugun Innovatsion rivojlanish agentligi direktori Sh.Rajabbayev Koreya startap va tadbirkorlikni rivojlantirish instituti (KISED) vakillari bilan uchrashuv o‘tkazdi.
Uchrashuv davomida o‘zaro hamkorlik istiqbollari, startap ekotizimini rivojlantirish borasidagi qo‘shma tashabbuslar hamda bu yo‘nalishda amalga oshirilishi mumkin bo‘lgan loyihalar yuzasidan fikr almashildi.
Shuningdek, “KISED” tomonidan Koreyada startap ekotizimini shakllantirish, qo‘llab-quvvatlash va rivojlantirish borasidagi tajriba hamda ilg‘or amaliyotlar haqida ma’lumotlar taqdim etildi.
Uchrashuv jarayonida “KISED” vakillari O‘zbekistondagi startap ekotizimini o‘rganish, mavjud imkoniyatlar va dolzarb muammolarni tahlil qilish yuzasidan tadqiqotlar o‘tkazishni rejalashtirayotganliklarini ham bildirdilar.
Uchrashuv yakunida Innovatsion rivojlanish agentligi va “KISED” o‘rtasida startap ekotizimi bo‘yicha hamkorlikni kengaytirish, qo‘shma grant loyihalarini ishlab chiqish, shuningdek, ikki davlat startapchilari o‘rtasida uchrashuvlar, seminarlar, B2B uchrashuvlar va tajriba almashish kurslarini tashkil etish bo‘yicha kelishuvga erishildi.