Farg‘onalik yoshlar uchun ajoyib yangilik – Farg‘onada yoshlar texnoparki faoliyatiga start berildi!
2025-05-08 17:20:00 / Yangiliklar
Unda Innovatsion rivojlanish agentligi direktori Sh.Rajabbayev, Tojikiston Respublikasining O‘zbekistondagi elchisi S.Saidov, Qirg‘iziston Respublikasining elchisi A.Arrabboyev, O‘sh viloyati bosh konsuli Z.Ahmedov, O‘zbekistonning Qirg‘izistondagi muxtor elchisi S.Niyozxo‘jayev, Farg‘ona viloyati hokimi o‘rinbosari N.Mamajonov hamda viloyatdagi oliy ta‘lim muassasalari rahbarlari, professor-o‘qituvchilar, ilmiy izlanuvchilar, innovator yoshlar, OAV vakillari hamda keng jamoatchilik ishtirok etdi.
Agentlik direktori ochilish marosimida so‘zga chiqar ekan, yoshlarga o‘z iste’dod va iqtidorlarini namoyish etishlarida, yangidan-yangi innovatsion loyihalarni muvaffaqiyatli amalga oshirishlarida omad tiladi.
Texnoparkda yoshlarning ilmiy-ijodiy salohiyatini oshirish, ularni innovatsion faoliyatga keng jalb etish uchun barcha sharoitlar yaratilgan. Bu yerda yigit-qizlar 3D modellashtirish, IT dasturlash, elektrotexnika, robototexnika kabi 8 ta yo‘nalishda tahsil olishlari va zamonaviy kasblarni o‘zlashtirishlari mumkin.