O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligi

Xalqaro darajadagi mazkur tadbirda O‘zbekiston Respublikasi Oliy ta’lim, fan va innovatsiyalar vaziri Ko‘ng‘irotboy Sharipov, Innovatsion rivojlanish agentligi direktori Sharof Rajabbayev, MDH Ijroiya qo‘mitasi Bosh kotibi o‘rinbosari Denis Trefilov, Tojikiston Respublikasi Iqtisodiy rivojlanish va savdo vaziri o‘rinbosari Ruhshona Nasriddinzoda, Rossiya federatsiyasi fan va oliy ta’lim vaziri o‘rinbosari Konstantin Mogilevskiy, Qozog‘iston Respublikasining “Qazinnovations” AJ boshqaruv raisi Sanat Joldixan, Qirg‘iziston Respublikasining “Kyrgyz Patent” tashkiloti direktori o‘rinbosari Ulan Ismailbekov hamda MDHga a’zo davlatlarning ilm-fan va innovatsiyalar bo‘yicha vazirlik va idoralari vakillari, respublikamizdagi oliy ta’lim muassasalari va ilmiy tadqiqot institutlarining ilmiy ishlar va innovatsiyalar bo‘yicha prorektorlari hamda ilm-fan bo‘yicha direktor o‘rinbosarlari ishtirok etdilar.

Forumda mintaqaviy innovatsion ekotizimni rivojlantirish, startaplarga va kichik biznesga iqtisodiy o‘sish drayverlari sifatida qarash, texnologiyalar sohasida transchegaraviy hamkorlik, MDH davlatlarida sun’iy intellektni rivojlantirish va tarmoqlarda raqamli transformatsiya strategiyasini amalga oshirish kabi masalalar muhokama etildi.

Shuningdek, Forum doirasida MDH a’zo davlatlarining “Ilmiy-texnikaviy va innovatsion sohalarda hamkorlik boʻyicha davlatlararo kengashning 35-kengaytirilgan yig‘ilishi” boʻlib o‘tdi. Unda MDHga a’zo davlatlarning 2030-yilgacha innovatsion hamkorlik dasturini amalga oshirishning samarali mexanizmlari muhokama qilindi. Yig‘ilish davomida MDH mamlakatlari o‘rtasida ilmiy-texnik salohiyatni yanada rivojlantirish, ilg‘or texnologiyalar transferi, qo‘shma ilmiy loyihalarni amalga oshirish, startap tashabbuslarini qo‘llab-quvvatlash hamda innovatsion infratuzilmani kengaytirishga qaratilgan qo‘shma chora-tadbirlar yuzasidan fikr almashildi. Shuningdek, Davlatlararo dasturning ustuvor yo‘nalishlari doirasida mintaqaviy innovatsion ekotizimni rivojlantirish, ilmiy izlanishlar samaradorligini oshirish va innovatsion mahsulotlarning tijoratlashtirilishini rag‘batlantirish bo‘yicha ham aniq takliflar ishlab chiqildi. Forum hamda 35-kengaytirilgan yig‘ilish MDH mamlakatlari o‘rtasida ilmiy-texnik va innovatsion hamkorlikni mustahkamlashga qaratilgan muhim xalqaro maydon bo‘ldi. Shu bilan birga, tajriba almashish, hamkorlikda qarorlar qabul qilish va MDH makonida innovatsion hamkorlikni yanada mustahkamlashga xizmat qiluvchi yana bir muhim platformaga aylandi.