Navoiy viloyati ta’lim tizimiga innovatsion loyiha joriy etildi
2025-12-18 14:00:00 / Yangiliklar
Navoiy viloyati Maktabgacha va maktab ta’limi boshqarmasi tomonidan Ohangaron Yoshlar texnoparkida ishlab chiqilgan “Kimyo fanidan virtual reallik asosidagi laboratoriya mashg‘ulotlarini o‘rgatuvchi dastur” loyihasi o‘quv jarayoniga joriy etiladigan bo‘ldi.
Mazkur innovatsion loyiha o‘quvchilarning kimyo faniga bo‘lgan qiziqishini oshirish, ularning amaliy bilim va ko‘nikmalarini zamonaviy raqamli texnologiyalar asosida rivojlantirishga xizmat qiladi. Virtual reallik texnologiyalariga asoslangan laboratoriya dasturi orqali o‘quvchilar tajribalarni xavfsiz, interaktiv va vizual muhitda bajarish imkoniyatiga ega bo‘ladilar.
Loyihaning ta’lim jarayoniga joriy etilishi umumta’lim muassasalarida ta’lim sifatini oshirish, raqamli texnologiyalarni keng joriy etish hamda zamonaviy pedagogik yondashuvlarni rivojlantirishga qaratilgan.