“Springer Nature” bilan hamkorlik asosida milliy obuna imkoniyatlari kengaytirilmoqda
2025-11-28 12:50:00 / Yangiliklar
Innovatsion rivojlanish agentligi tashabbusi bilan “Springer Nature” kompaniyasi delegatsiyasi bilan rasmiy uchrashuv tashkil etildi.
Unda tomonlar milliy obuna dasturining hozirgi holati, undan foydalanish samaradorligi va kelgusida obunani davom ettirish imkoniyatlari bo‘yicha fikr almashdilar. Shuningdek, amaldagi shartnomani takomillashtirish, platformadan foydalanish bo‘yicha o‘quv jarayonlarini yo‘lga qo‘yish va tadqiqotchilar uchun qo‘shimcha imkoniyatlarni kengaytirish masalalarini muhokama qildilar.
Muloqot yakunida tomonlar kelgusida hamkorlikni rivojlantirish, tajriba almashish va milliy obunani yanada samarali tashkil etish maqsadida qo‘shimcha materiallar almashish orqali muzokaralarni davom ettirishga kelishib oldilar.