Ichki ishlar vaziri o‘rinbosari, polkovnik Diyorbek Sattarov boshchiligidagi ishchi guruh tomonidan Buxoro viloyati ichki ishlar organlarida xizmat faoliyati, xodimlar uchun yaratilayotgan sharoitlar holati o‘rganilmoqda.
2026-10-02 16:30:00 / Yangiliklar
Tashrif davomida dastlab G‘ijduvon tumani IIB hududida barpo etilayotgan yangi sport kompleksi hamda jangovar tirdagi qurilish-ta’mirlash ishlari ko‘zdan kechirildi. Mazkur obyektlarni joriy yilda foydalanishga topshirish rejalashtirilgan bo‘lib, qurilish ishlarini sifatli yakunlash va xodimlar uchun zamonaviy sharoitlar yaratish yuzasidan tegishli ko‘rsatmalar berildi.
Shuningdek, shaxsiy tarkib va mas’ul rahbarlar ishtirokidagi yig‘ilishda joriy yilning o‘tgan 8 oyi davomida jinoyat va huquqbuzarliklarning oldini olish borasida amalga oshirilgan ishlar, hududdagi kriminogen vaziyat hamda xizmat faoliyati natijalari tahlil qilindi.
Yakunida jinoyatchilikka qarshi kurashish samaradorligini oshirish, huquqbuzarliklar profilaktikasini kuchaytirish va xizmat intizomini mustahkamlash bo‘yicha mas’ullarga aniq vazifalar belgilab berildi.