Buxoro viloyati G‘ijduvon tumani hokimligi

Bayram tadbirida G‘ijduvon tumani hokimi Farxod Umarov, huquqni muhofaza qiluvchi organlar rahbarlari, keng jamoatchilik vakillari, nuroniylar, yoshlar hamda turli soha vakillari ishtirok etdilar.
 Tadbirda so‘zga chiqqan tuman hokimi Farxod Umarov barcha yurtdoshlarni Mustaqillik bayrami bilan samimiy muborakbod etdi. Yurtimizda hukm surayotgan tinchlik-osoyishtalik, xalqimizning birdamligi va farovon hayoti eng ulug‘ ne’matlardan biri ekanini ta’kidlab, barchaga mustahkam sog‘lik, oilaviy xotirjamlik va ezgu tilaklar bildirdi.
🎶 Gala-konsert dasturi milliy san’atimiz va zamonaviy ijod namunalarining uyg‘unligi bilan yanada mazmunli bo‘ldi. Unda Madaniyat markazi xodimlari va g‘ijduvonlik san’atkorlar tomonidan kuy-qo‘shiqlar, milliy raqslar, badiiy chiqishlar hamda mazmunli sahna ko‘rinishlari namoyish etildi.
🎤 Bayram oqshomining maxsus mehmonlari — O‘zbekistonda xizmat ko‘rsatgan artist, el suygan san’atkor Ulug‘bek Rahmatullayev hamda taniqli “Qahqaha” guruhining chiqishlari tomoshabinlarga ko‘tarinki kayfiyat ulashib, bayram shukuhini yanada oshirdi.
👮 Bayram tadbirining osoyishta va tartibli o‘tishini ta’minlash maqsadida G‘ijduvon tumani IIBning mas’ul xodimlari tomonidan jamoat tartibi va fuqarolar xavfsizligi ta’minlandi.
🎆 Gala-konsert yakunida Mustaqillik bayrami sharafiga bayram salyutlari otildi. Musaffo tun bag‘rini yoritgan rang-barang mushakbozlik bayram oqshomining yorqin finaliga aylanib, yig‘ilganlarga unutilmas taassurot bag‘ishladi.
✨ Bu shunchaki gala-konsert emas, balki tinchlikni qadrlaydigan, kelajakka ishonch bilan boqayotgan xalqimizning quvonchi va birdamligi namoyon bo‘lgan bayram tantanasi bo‘ldi.
 Mustaqillik — xalqimizning bebaho qadriyati, tinchlik — eng ulug‘ ne’mat, birlik va hamjihatlik esa taraqqiyotimizning mustahkam poydevoridir.
🎉 Mustaqillik bayrami muborak bo‘lsin!
 Yangi O‘zbekistonimiz tinch, osmonimiz musaffo, xalqimiz hayoti farovon va kelajagimiz yanada porloq bo‘lsin!