G'ijduvon tumanida har mavsumda faoliyat yuritadigan “Bolalar sayyorasi” bolalar oromgohini mavsumga shay qilish ishlari allaqachon boshlangan.
2026-05-25 12:45:00 / Yangiliklar
Bugun viloyat hokimi Botir Zaripov boshchiligidagi viloyat ishchi guruhi hamda G'ijduvon tuman hokimligi mutasaddi rahbarlari "Bolalar sayyorasi" oromgohida joriy mavsumda infratuzilma holati va mavsumga tayyorgarligi ko‘rib chiqildi. Xususan, o‘yin attraksioni, suv havzalari, sport maydonchalari ahvoli, yotoqxona va oshxona sanitariya holati, elektr va gaz ta’minotigacha batafsil o‘rganilib, kerakli tezkor choralarni ko‘rish, nuqson va kamchiliklarni bartaraf etish, hududni obodonlashtirish belgilandi.
➡️Yozgi oromgohlar — bolalar uchun nafaqat dam olish, balki rivojlanish maskani hamdir. Bu yerda ular yangi do‘stlar orttiradi, bilim va ko‘nikmalarini mustahkamlaydi, sog‘lom turmush tarziga amal qilishni o‘rganadi hamda kun tartibiga rioya etish orqali intizomni shakllantiradi.
ℹ️Shuningdek, yangi tartibga ko‘ra, kasaba uyushmalari tomonidan oromgohlarda dam oluvchi bolalar yo‘llanma to‘lovlarining bir qismi qoplab berilishi belgilangan bo‘lib, bu imkoniyat yanada ko‘proq bolani yozgi sog‘lomlashtirish maskanlariga jalb etish imkonini beradi. Ayni kunda mas’ul rahbariyat so‘lim maskanlarda barcha tadbirlarni talab darajasida, sermazmun tashkillashtirish, yozgi ta’tilni zavqli, xavf-xatarsiz o‘tkazish uchun tajribali pedagog, murabbiylar jamoasini shakllantirish harakatida.