CHORVACHILIK SOHASIDA DOLZARB MASALA: SOG‘LOMLIK VA BARQARORLIK.
2026-05-04 11:40:00 / Yangiliklar
Bugungi kunda jahonshumul iqlim o‘zgarishi, ekologik muvozanatning buzilishi va hayvonlar harakatining kengayishi natijasida chorva mollari orasida turli yangi yuqumli kasalliklar paydo bo‘lish xavfi ortib bormoqda. Xususan, ayrim xorijiy davlatlarda oqsil kasalligining yangi turlari aniqlanayotgani mutaxassislarni jiddiy ogohlantirmoqda.
⚠️ Jahon tajribasi shuni ko‘rsatmoqdaki, kasalliklarning oldini olishda eng muhim omil — bu profilaktika, emlash va sanitariya talablariga qat’iy rioya qilish hisoblanadi.
🛡 CHORVACHILIKDA MUHIM TALABLAR:
🔹 Hayvonlarni belgilangan tartibda va o‘z vaqtida emlash
🔹 Fermalarda veterinariya-sanitar qoidalarga to‘liq amal qilish
🔹 Dezinfeksiya vositalarini doimiy ishlatish
🔹 Gigiyenik sharoitlarni (harorat, namlik, havo almashinuvi) me’yorda saqlash
🔹 Sifatli yem va toza ichimlik suvi bilan ta’minlash
🔹 Kemiruvchilar va zararkunandalarga qarshi muntazam kurash olib borish
🔹 Begona shaxslar va transport vositalarining fermaga kirishini cheklash.
🚨 EHTIYOT CHORALARI:
Agar chorva hayvonlarida quyidagi belgilar kuzatilsa:
🔸 yuqori tana harorati
🔸 og‘iz bo‘shlig‘ida yoki yelinda yaralar
🔸 tuyoqlarda o‘zgarishlar
👉 darhol veterinariya mutaxassisiga murojaat qilish zarur.
❗ Kasallik gumon qilinganda hayvonni alohida saqlash, kasallik tarqalishining oldini olish va veterinariya ko‘rsatmalarisiz dori vositalarini qo‘llamaslik talab etiladi.
💉 EMLASH TIZIMI:
🔹 Qoramollar — yiliga 2 marta (bahor va kuz)
🔹 Qo‘y va echkilar — yiliga 1 marta
🔹 Emlashdan so‘ng 15–21 kun ichida immunitet shakllanadi
📞 MUROJAAT UCHUN:
Veterinariya va chorvachilikni rivojlantirish qo‘mitasi
☎️ 71-202-12-00 (ichki: 210, 218, 323)
🌿 XULOSA:
Sog‘lom chorvachilik — bu nafaqat iqtisodiy barqarorlik, balki aholi uchun sifatli va xavfsiz mahsulot yetishtirishning kafolatidir. Har bir fermer va chorvador veterinariya-sanitar qoidalarga mas’uliyat bilan yondashsa, sohada yuqori natijalarga erishish mumkin.