Oqgulda ulkan o‘zgarishlar: bugun bunyodkorlik, ertaga farovon hayot!
2026-04-02 00:45:00 / Yangiliklar
Yo‘llar ravon — hayot oson!
Mahallada 8 km ichki yo‘llar asfaltlashtirilmoqda. 4,8 milliard so‘m mablag‘ yo‘naltirilgan ushbu loyiha natijasida aholining kundalik harakati xavfsiz va qulay bo‘ladi.
Barqaror elektr — ishonchli hayot!
Hududda elektr ta’minotini yaxshilash uchun keng qamrovli ishlar amalga oshirilmoqda:
1 ta yangi transformator o‘rnatilmoqda
4 ta transformator yangilandi
8,1 km elektr uzatish tarmoqlari yangilanmoqda
250 million so‘m mablag‘ ishlarga ajratilgan
Suv va yer — baraka manbai!
Irrigatsiya tizimi yaxshilanmoqda, 2 ta tik quduq o‘rnatilmoqda. Bu orqali mahalla aholisiga yetarli suv ta’minoti va qishloq xo‘jaligi unumdorligi oshiriladi.
Kelajak poydevori — ta’lim!
Mahalladagi 18-son maktabgacha ta’lim tashkiloti rekonstruksiya qilinib, 120 o‘rinli yangi bino qurilmoqda. Ushbu ishlar uchun 4,2 milliard so‘m ajratilgan. Bu bolajonlarimiz kelajagi uchun muhim poydevordir.
Yorug‘ ko‘chalar — xavfsiz muhit!
Mahallada 2 km tungi ko‘cha yoritish tizimi barpo etilmoqda. Bu ishlar nafaqat chiroyli manzara yaratadi, balki aholi xavfsizligini ham ta’minlaydi.
Toza suv — sog‘lom hayot garovi!
“Oqgul” suv inshooti rekonstruksiya qilinmoqda, qo‘shimcha 500 kub metr sig‘imli yangi rezervuar qurilmoqda va mavjud tizimlar ta’mirlanmoqda. Ushbu ishlar uchun 3 milliard 675 million so‘m mablag‘ ajratilgan.
Oqgul — bugun yangilanayotgan, ertaga esa yanada obod va farovon maskan!