Islomov Saidfarrux Jamshidxon o‘g‘li O‘zbekiston Respublikasi Prezidenti huzuridagi Ijtimoiy himoya milliy agentligining Farg‘ona viloyati boshqarmasi boshlig‘i lavozimiga tayinlandi
2025-10-23 13:35:00 / Yangiliklar
Viloyat hokimligida bo‘lib o‘tgan yig‘ilishda Saidfarrux Islomov jamoatchilikka tanishtirildi.
S.Islomov 1980-yilda Qo‘qon shahrida tug‘ilgan. 2001-yilda Qo‘qon davlat pedagogika institutini, 2009-yillda O‘zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan.
Mehnat faoliyati davomida Qo‘qon shahar “Kamolot” yoshlar ijtimoiy harakati Kengashi raisi, “Yuksalish” umummilliy harakati Farg‘ona viloyati hududiy bo‘linmasi rahbari, O‘zbekiston Respublikasi Prezidenti huzuridagi Davlat xizmatini rivojlantirish agentligi Farg‘ona viloyati filiali rahbari vazifalarida ishlagan.
Tayinlovga qadar O‘zbekiston Mahallalar uyushmasi Ma’naviy-ma’rifiy ishlar, migratsiya masalalari hamda sport va sog‘lomlashtirish tadbirlarini tashkil etish bo‘limi boshlig‘i lavozimida ishlab kelgan.