Tinchlik forumining birinchi yig‘ilishida so‘zga chiqqan Farg‘ona viloyati hokimi Xayrullo Bozorov barcha ishtirokchilarni anjuman bilan qutladi
2025-10-15 10:05:00 / Yangiliklar
So‘nggi to‘qqiz yil ichida mamlakatlarimiz o‘rtasidagi yaxshi qo‘shnichilik munosabatlari misli ko‘rilmagan darajaga yetgani, Prezidentlarimiz ochiq va pragmatik siyosatlari, do‘stona va o‘zaro manfaatli munosabatlarni rivojlantirish tashabbuslari tufayli O‘zbekiston, Tojikiston va Qirg‘iziston hamkorligi yangi bosqichga ko‘tarilganligi qayd etildi.
Tojikistonning So‘g‘d viloyati, Qirg‘izistonning Botken viloyati va Farg‘ona viloyati o‘rtasidagi do‘stona va o‘zaro manfaatli aloqalar jadal rivojlanib borayotganligi, transport logistikasi, savdo-iqtisodiy, ijtimoiy va boshqa yo‘nalishlarda aloqalar mustahkamlangani ta’kidlandi.
Farg‘ona tinchlik forumi doimiy faoliyat ko‘rsatadigan minbarga aylanib, ishonchni mustahkamlash, barqaror rivojlanishning yagona strategiyasini ishlab chiqish va xalqaro investisiyalarni jalb etish maydoni bo‘ladi,-dedi viloyat hokimi.