Yozyovonda chorvachilik istiqbollari kengaymoqda
2025-10-13 14:10:00 / Yangiliklar
Fermer xo‘jaliklarida qariyb 5 ming, shuningdek, aholi xonadonlarida 34,6 ming bosh qoramol parvarishlanmoqda. E’tiborlisi, keyingi yillarda chorva bosh sonini oshirish, mahalliy sharoitda naslli zotlar olishni ko‘paytirish hisobidan aholini arzon va sifatli go‘sht, sut mahsulotlari bilan ta’minlashga alohida e’tibor qaratilmoqda.
Xususan, “U. Jalilov” naslchilik fermer xo‘jaligiga Avstriyadan 100 boshdan ziyod naslli qoramollar keltirilgan.
Maxsus laboratoriya tashkil etilib, fermer xo‘jaliklari, aholi vakillari uchun zotli buzoqlar yetkazib berish yo‘lga qo‘yilgan.
Hozirda fermer xo‘jaligi qoshida sutni qayta ishlash korxonasini ham ochish uchun qo‘shimcha bino qurib bitkazildi. Yaqin istiqbolda bu yerda 10 dan ortiq ish o‘rni yaratish va bir necha turdagi tayyor mahsulotlarni ishlab chiqarish ko‘zda tutilgan.