Viloyat hokimi Xayrullo Bozorov Turkiyaning Uludag‘ meva-sabzavot mahsulotlari eksportchilari uyushmasi prezidenti Senih Yozgan bilan uchrashdi
2025-05-08 00:10:00 / Yangiliklar
Muloqotda turkiyalik mehmon Farg‘onada qishloq xo‘jaligi, ayniqsa, gilos va shaftoli kabi mevalar yetishtirish borasida erishilayotgan natijalarni yuksak baholadi.
Shu bilan birga, kelgusida xosildorlikni oshirish, bog‘dorchilikni rivojlantirish hamda Turkiya tajribasi asosida zamonaviy agrotexnologiyalarni joriy etish bo‘yicha hamkorlikka tayyor ekanini qayd etdi. Ushbu yo‘nalishda katta bilim va malakaga egaligi muhim omil bo‘lishini ta’kidladi.
Mahsulotlarni Yevropa va boshqa xorijiy bozorlarga yetkazib berish hamda eksportyorlar uchun yuqori daromadli mexanizmlarni shakllantirish masalalari muhokama qilindi.
Uchrashuvda viloyat hokimining Turkiyaga tashrifi doirasida erishilgan kelishuvlarni amaliy bosqichiga o‘tish, aniq takliflar asosida o‘zaro hamkorlik aloqalarini mustahkamlash chora-tadbirlari kelishib olindi.