Farg‘оnа vilоyati hоkimligi

Viloyat hokimi Xayrullo Bozorov Hindistonning “VED” ko’p tarmoqli shifoxonasi direktori Vaivxav Patelni qabul qildi.

Uchrashuvda ushbu shifoxona tomonidan viloyatimizda xalqaro ko’p tarmoqli klinika tashkil etish masalasi muhokama qilindi.

Vaivxav Patel “VED” klinikasi faoliyati, aholiga xizmat ko’rsatish holati, jarrohlik amaliyotlari bo’yicha ma'lumotlar berdi. Viloyatimizda ham qator yo’nalishlarda hamkorlik aloqalarini yo’lga qo’yish va aholiga YEvropa standartlariga asoslangan tibbiy xizmat ko’rsatishni maqsad qilganini qayd etdi. Shuningdek, hindistonlik malakali mutaxassislarni jalb qilgan holda mahalliy xodimlarni bilim va ko’nikmalarini oshirish rejalashtirilganligini bildirdi.

Viloyat hokimi bildirilgan takliflar viloyat tibbiyoti uchun muhimligini qayd etib, qo’llab-quvvatlashga tayyor ekanligini ta'kidladi.

Mehmonlar loyihani amalga oshirish uchun zarur bo’lgan bino-inshootlarni ko’zdan kechiradi hamda hamkorlikni tizimli yo’lga qo’yish bo’yicha kelishuvlar olib boriladi.