Furqatlik yoshlar axborot texnologiyalarini o‘rganmoqda
2026-02-06 15:30:00 / Yangiliklar
Viloyat hokimi Xayrullo Bozorov Furqat tumanidagi o‘rganishlari davomida axborot texnologiyalari sohasini rivojlantirish, yoshlarni zamonaviy kasblarga yo‘naltirish maqsadida tashkil etilgan “Innovation hub” IT markaz faoliyati bilan ham tanishdi.
Markazda yaratilgan shart-sharoitlar, zamonaviy texnika va uskunalar bilan jihozlangan o‘quv xonalari ko‘zdan kechirildi.
O‘quv jarayonlari, qo‘shimcha mashg‘ulotlar hamda yoshlar uchun yaratilgan imkoniyatlar yuzasidan atroflicha ma’lumot berildi, shuningdek, ishlab chiqilgan loyihalar taqdim etildi.
Viloyat hokimi yoshlar bilan muloqot qilib, bugungi kunda serdaromad sohalardan biri bo‘lgan axborot texnologiyalari, ayniqsa, AyTi yo‘nalishini o‘rganish zamon talabi ekanini ta’kidladi.
Bu yerda bir vaqtda 100 nafar yoshlar axborot texnologiyalari o‘rganmoqda.
Markaz faoliyatini yangi bosqichga olib chiqish bo‘yicha mutasaddilarga tegishli topshiriqlar berildi.