Pokistonning Islomobod shahrida “Made in Uzbekistan” nomi ostida o‘tkazilayotgan ko‘rgazmada O‘zbekistonning meva-sabzavot va oziq-ovqat mahsulotlari alohida e’tibor markazida turibdi
2026-02-05 19:15:00 / Yangiliklar
Taqdim etilayotgan mahsulotlar qatorida:
⏩ yangi meva va sabzavotlar;
⏩ quruq mevalar;
⏩ muzlatilgan va qayta ishlangan mahsulotlar;
⏩ konserva va yarim tayyor oziq-ovqat mahsulotlari;
⏩ tabiiy sharbatlar.
Ushbu mahsulotlar sifat, tabiiylik va xalqaro standartlarga mosligi bilan Pokiston va mintaqa bozorida yuqori qiziqish uyg‘otmoqda.
Ko‘rgazmaning asosiy maqsadi — O‘zbekistonning meva-sabzavot va oziq-ovqat eksport salohiyatini namoyish etish, yangi savdo hamkorliklarini yo‘lga qo‘yish hamda eksport geografiyasini kengaytirishdir.
“Made in Uzbekistan” brendi ostida o‘tkazilayotgan bunday tadbirlar mahalliy ishlab chiqaruvchilar uchun yangi eksport shartnomalari, barqaror bozorlar va uzoq muddatli hamkorliklar uchun mustahkam zamin yaratmoqda.